To Geistlik studeeren, dat hedde vüör Di met't Liäwen spielen un dat Liäwen narren. Aower Fasselaowend duert män eenen Dag un dann kümp dat Askenkrüss up de Stärne – Bessmoder segg ümmer, Du wäörst en Eegenpass van'n Jungen – un dat segg ik met. Du gongst ümmer Dine eegenen Wiäge un leit's Di kinen nuffk in'n Nacken giewen. Dat passt appatts nich vüör en geistliken Hären, un Du läggst Di baolle in de Haore met de haugen Härens in Mönster, – dat wäör dann dat Askenkrüss an'n Askermiddewiäken.
aus: Iärwschaden, Kap. XXV